“Sim iha aldeia tolu mak seidauk asesu ba bee-moos, tanba ida hensan ne'e sei fó impaktu maka’as ba sira-nia saúde liliu ba oan sira bainhira iha tempu bailoron hansan ne'e”, dehan Xefe Suku Atelari, Aleixo Ximenes, liuhusi telefone, tersa (17/08).
Bainhira tempu bailoro komúnidade sira tenke la'o dook foin ba kuru bee hodi bele uza ba sira-nia nesesidade loroloron.
Maske halo ona proposta ba minitériu relevante sira maibé seidauk iha resposta, nune'e iha aldeia balun tanki halo hotu ona seidauk fornese bee-moos.
Ho ida ne’e sujere ba parte relevante sira atu tau atensaun ba problema sira ne'ebé komunidade enfrenta iha baze liuliu uma-kain 122 ne'ebé seidauk asesu ba bee-moos ne'e tanba komúnidade presiza saúdavel inklui labele hamosu desentendimentu iha suku ida.
Xefe Aldeia Neluwai, Moises Do Rosario, mós lamenta tebes ho preokupasaun hirak ne'e tanba durante ne'e komúnidade sira tenke la'o dook foin asesu bee-moos.
Totál populasaun suku Atelari hamutuk 2.049 ho aldeia 10. (*)