Login to your account

Username *
Password *
Remember Me

Família Matebian Konsidera Atendimentu iha Izolamentu Vera Cruz Hamosu Dúvida

Família matebian husi Anita Maia, Domingos Barreto, ko'alia hela ho jornalista sira iha sala Izolamentu Vera Cruz, tersa (17/08). Família matebian husi Anita Maia, Domingos Barreto, ko'alia hela ho jornalista sira iha sala Izolamentu Vera Cruz, tersa (17/08). Foto Tempo Timor

Tempotimor (Díli)-Família Matebian, Domingos Barreto nu'udar tiun husi matebian Anita Maia Freitas konsidera atendimentu iha sala izolamentu hamosu dúvida.

Tanba Matebian Anita Maia Freitas (37) hakotu iis ho bebé fulan sia mate iha sala izolamentu Vera Cruz, segunda (16/08).

“Tanba horkalan ne'e ami hare sira nia atendimentu ne'e, ba ami familia mós, tanba horkalan ami mós iha ne'e to'o dader tuku lima mak ami foin sai husi fatin ida ne'e, sira nia atendimentu ne'e mak ema grave ona mak ita foin lalin ida ne'e lalin ida ne'ebá, ami família iha ne'e ami iha ne'e ami haree ho matan ami familia la'ós naran ko'alia”, dehan Domingo Barreto iha Sala Izolamentu Vera Cruz, tersa (17/08)

Nune'e família matebian hakarak atu rona informasaun liután no husu sistema servisu iha Ministériu Saúde nian ne'e rasik.

“Doutór, ifermeiru sira ne'ebé serbisu iha saúde favór ida hadi’a imi-nia sistema sira ne'e, ita kuandu dehan 24 oras ne'e stay iha ne'e, stay ne'e stay iha fatin servisu, la'ós a gravé ona mak foin telefone fali, mak foin ema ba foti fali ho karreta, ne'e mak ita dehan servisu 24 oras mais povu la fiar lakon konfiansa”, hatete nia.

Antes matebian ho kondisaun isin-rua fulan 9 liu ona loron balun nune'e matebian kanotak moras ba Klínika Bairopite,  nune'e pesoál saúde sira haruka ba Hospital Nasionál Guidu Valalares hodi atende maibé hafoin iha HNGV pesoál sira halo test Swab, matebian afeita Covid-19 nune'e lori ba sala Izolamentu Vera Cruz.

Hafoin lori mai Izolamentu Vera Cruz, oan iha matebian nia isin hakotu is iha loron segunda kalan oras tuku 8 no inan, Anita Maia hakotu iis iha loron tersa madrugada tuku 1 resin.

Matebian Anita Maia husik nia oan feto ida no husi Munisípiu Bobonaru, Postu Boborau Suku Ai-Asa. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter