Print this page

Timoroan Na'in-3 Mate ho Covid-19 iha Vera Cruz

Tempotimor (Dili)-Ministériu Saúde liuhusi Sentru Integradu Jestaun ba Krize (SIJK) rejistu pasiénte timoroan na'in-3 hela iha Dili mate ho Covid-19 iha sala izolamentu Vera Cruz.

“Totál óbitu ne’ebé relata iha loron 16 Agostu 2021 na'in-3 (tolu) mane ho dade tinan 60, Timoroan, hela iha Dili, diagnostikadu iha 15 Agostu 2021 ho sindroma insufisiénsia respiratória aguda (SIRA) tanba Covid-19 (Teste PCR nia resultadu pozitivu, CycleThreshold: Egene 30,4)”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, segunda (16/08)

Metebian iha istória insufisiénsia renal krónika (estádio terminal) no hala’o hemodiálize semana ida dala rua. Matebian iha mós istória ipertensaun arterial ho diabetes.     

Tanba ne’e, transfere ba Vera Cruz iha 14h00 no hala’o tratamentu, tuir protokolu tratamentu ba. Maizoumenus 17h30 loron 15 Agostu, matebian iis kotu tanba multiple organ failure. Teste PCR hafoin iis-kotu nafatin pozitivu  (CT   E gene 31,3).

Família kordena ona ho ekipa saúde atu hala’o funeral tuir protokolu ne’ebé adopta iha Timor-Leste. Mane ho idade tinan 76, hela iha Dili, diagnostikadu iha loron 14 Agostu 2021 ho sindroma insufisiénsia respiratória aguda (SIRA) tanba Covid-19 (Teste PCR nia resultadu pozitivu, Cycle Threshold: E gene 23,3).

Transfere ba Vera Cruz iha loron ne’e kedas, no hala’o tratamentu tuir protokol tratamentu ba Covid-19. Maizumenus 19h00 loron 15 Agostu, matebian iis kotu, tanba tromboembolizmu pulmonar.       

Teste PCR hafoin iis-kotu nafatin pozitivu (CT E gene12,2) nune'e fam’ilia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.

Enkuantu feto ho idade tinan 63 Timoroan, hela iha Dili diagnostikadu iha loron 12 Agostu 2021, ho sindroma insufisiénsia respiratória aguda (SIRA) tanba Covid-19 (Teste PCR nia rezultadu pozitivu, Cycle Threshold E gene 21).  

Metebian iha istória moras leusemia ho anemia gravé. Transfere ba Vera Cruz iha loron ne’e kedas no hala’o tratamentu, tuir protokolu tratamentu ba Covid-19.

Maizumenus dader 5h30 loron 16 Agostu, matebian iis kotu tanba parajen cardioresporatória. Teste PCR hafoin iis-kotu nafatin pozitivu (CT Egene 24,4).

Família kordena ona ho ekipa saúde atu hala’o funeral tuir protokolu ne’ebé adopta iha Timor-Leste. (*)

Rate this item
(1 Vote)
Last modified on Monday, 16 August 2021 23:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items