Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, iha loron 14 agostu 2021, izolamentu Vera Cruz halo tratamentu ba kazu detetadu na’in-37.
Husi sira ne’e área obstetrisia na’in-12, medisina interna na’in-21, sirurjia na’in-2 & pediatria 2.
“Sira na’in-12 iha obstetrisia, kategória leve hotu. Husi sira na’in -21 iha medisina interna, 9 kategória grave (1 uza ventilador, 8 ho oksijéniu), 12 kategória moderadu. 2 iha sirurjia, kategória leve hotu, na’in-2 iha pediatria, kategória leve”, dehan Rui liuhusi komunikadu imprensa, sábadu (14/08). (*)