Login to your account

Username *
Password *
Remember Me

Dom Virgílio Apresia Sidadaun ho Vontade Simu Vasina

Arkebispu Metropolitana Dili, Dom Virgílio do Carmo da Silva. Arkebispu Metropolitana Dili, Dom Virgílio do Carmo da Silva. Foto Suplay

Tempotimor (Díli)-Arkebispu Metropolitana Dili, Dom Virgílio do Carmo da Silva, apresia ba sidadaun Timoroan ne'ebé simu ona vasina, tanba iha vontade hakarak livre husi vírus Covid-19.

“Ha'u hanoin katak ita hotu buat ne'e tinan rua ona ne'e ita primeiru ita agradese ita apresia tanba ita-nia maun alin, inan aman sira barak ne'ebé agora dadaun buka atu hakat ba vasina, ne'e buat ida ne'ebé ita hotu tenke apresia ne'e, uluk susar maibé agora ida ne'e neneik mosu vontade ema barak komesa buka atu vasina tanba ida-idak komesa sente hakarak livre husi moras ida ne'e”, dehan Dom Virgílio do Carmo hafoin enkotru Primeiru Ministru, Taur Matan Ruak, iha Rezidénsia Farol, sesta (13/08).

Maibé apela nafatin ba sidadaun sira seluk ne'ebé seidauk vasina di'ak liu hakbesik an ba sentru vasina atu nune'e labele lori risku ba família no viziñu sira.

“Segundu ita mós kontinua apela ba sira ne'ebé seidauk konvensidu, agora laiha dalan seluk dalan ida de'it, tanba Covid ne'e atu hela ho de'it iha fatin seluk labele mai, ne'e ita mehi de'it ona, ne'ebé hakarak ka lakoi ne'e iha ita-nia leet ne'ebé ita mak hakarak labele sai vítima ba vírus ida ne'e ita tenke vasina atu foti ita-nia unidade tanba ida ne'e husu ita ida-idak hola konsiénsia se ita hadomi iha nia-an no hadomi ita-nia família no viziñu sira”, dehan nia.

Mezmu iha Timor-Leste aplika la'ós obrigatóriu maibé sidadaun sira tenke iha konsiénsia no hanoin mós ba ema seluk nia saúde nomós ema seluk nia di'ak. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter