Login to your account

Username *
Password *
Remember Me

HAK Deskonfia Programa Sesta Bázika Benefisia Partidu no Kompaña

Diretór Ezekutivu Yayasan Hak, Sisto dos Santos. Diretór Ezekutivu Yayasan Hak, Sisto dos Santos. Foto Suplay

Tempotimor (Dili)-Diretór Ezekutivu Yayasan Hak, Sisto dos Santos, deskonfia implementasaun programa sesta bázika benefisia partidu no kompaña sira tanba durante ne'e seidauk rekoopera ekonomia povu nian.

“Rekooperasaun ekonomia ne'e la'ós rekupera ekonomia povu nian, ne'e rekupera ekonomia partidu nian, e rekupera ema sira kompaña sira-nian ne'ebé mak hametin forsa polítika sira-nian para kontinua ukun”, dehan nia iha kna’ar fatin, Farol, sesta (13/08).

Durante ne'e, povu nia ekonómia seidauk rekuperadu, tanba iha valór orsamentu tau dehan US$25 to'o US$50 kada ema ida maibé realidade la akontese.

Tanba produtu ne'ebé mak fahe, oituan de'it, dalaruma komunidade hán semana rua de'it mós la to'o, ida ne'e mak dehan atu rekupera.

“Rekupera ida ne'ebé, ne'e bosok povu, uza terminilojia ida hodi halo povu nia konfuzaun, mais tempu ida hanesan aproveita para esplora riku soin estadu no povu nian”, esplika nia.

Tanba ne'e, sira halo politika opsolantizmu, ne'e tuir lolos tenke liberta ona, maibé tanba saida mak tenke komunga nafatin politika, ka ideolojia antigu fasista nian, nomós ideololojia kolonialista nian atu kontinua marjenaliza povu, hahú husi partidu A to'o  Z ne'e hahalok hanesan de'it no laiha diferensia.

“So atu dehan katak sesta bázika ne'e la’ós sesta bázika, ne'e komplikadu báziku, polítika komplikadu, dezonestidade ba povu ida ne'e, traisaun bázika ba ita-nia libertasaun”, dehan nia.

Antes ne'e, Deputadu Bankada Opozisaun Congresso Nacionál de Reconstrução de Timor (CNRT), Arão Noe Amaral, ejize governu atu loke investigasaun ba kompaña ne'ebé deskonfia komete erru durante hala'o distribuisaun programa sesta bázika.

“Preokupasaun ida ne'e los duni tanba ha’u haree husi totál programa sira ne'ebé sira fahe, sasán ne'ebé komunidade sira simu, tuir ha’u, e tuir observasaun no peskizasaun no monitorizasaun husi asosiasaun balun ne'ebe akompaña katak, husi totál US$50 sira fahe la to'o US$20, entaun restu US30 ba ne'ebé. Tanba ne'e mak ha’u hakarak hatete katak tenke halo investigasaun”, dehan nia iha PN, kuarta (11/08).

Haree ba programa ne'ebé Governu aprova ne'e katak kada ema ida hetan sesta bázika ne'e fulan dahuluk US$25 no daruak US$25, no soma hamutuk hetan US$50 ne'ebé tuir planu fó dala ida nian. (*)

Rate this item
(0 votes)
Last modified on Friday, 13 August 2021 16:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter