Print this page

Kazu Covid-19 Pozitivu Foun Sa’e ba 189

Covid-19 Timor-Leste. Covid-19 Timor-Leste. Foto Tempo Timor

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu pozitivu Covid-19 foun iha loron 12 fulan-agustu tinan 2021 komesa sa’e ba 189, kompara ho kazu rekuperadu iha de’it 39.

“Kazu detetadu ne’ebé relata iha loron 12 fulan-Agostu tinan 2021 foun 189 (iha Dili 107, Ermera 37 ho munisípiu seluk hamutuk 45) no kazu rekuperadu 39”, dehan nia liuhusi komunikadu imprensa, kinta (12/08).

Husi totál kazu detetadu foun iha mane 85, feto 103 ho idade tinan 20 na'in-27 (14,2%), ho idade entre     tinan 12-59 na'in-160 (84,6%) ho idade 60 na'in-2, 52 kazus ka 27,5% mak sintomátiku (hatudu sintomas), kazu ativu 1.822 no totál kazu konfirmadu kumulativu iha 12 Agostu 2021(sura husi 21Marsu 2020) hamutuk 12.059.

Hahú husi loron 11 to’o12 fulan-Agostu, hamutuk hotu Laboratóriu Nasionál Saúde (LNS) halo 710 testes PCR iha Dili, ho detalla hanesan vijilánsia sentinela 32, rastreiu          ba kontaktu (contact tracing) 126, rastreiu aleatóriu (random screening) 100, viajen sai husi serka sanitária Munisípiu Dili 284, viajen internasionál 25 no follow  up iha kuarentena 143. (*)

Rate this item
(0 votes)
Last modified on Thursday, 12 August 2021 18:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items