“Vasina la'ós at ne'e ga, ai-moruk sira ne'e mai ita depozita no konserva iha (konjeladór) sira ne'e, entaun (konjeladór) sira ne'e mak dala ruma tanba eletrisidade ne'ebé mate lakan, mais la’ós hothotu, kuandu iha parte balun eletrisidade mate lakan, ne'e sira iha kedas jeradór entaun asegura lalais”, dehan nia iha PN, kuarta (11/08).

Tanba, Hospital Nasional Guidu Valadares no SAMES, iha jeradór rasik hodi proteje wainhida ahi mate derepente.

“Balun ne'ebé laiha ne'e mak, horisehik (10/08), ministra rasik iha ne'eba hatan, katak la’ós dehan la di’ak maibé oinsá sira mós sei halo observasaun ne'ebé di'ak liliu ba OMS mais pur enkuantu sira dehan sei la’o nafatin ho ai-moruk sira ne'ebé iha, la'ós nia hatan dehan la di’ak”, dehan nia.

Ho ida ne'e, kazu Covid-19 no variante delta bainhira aumenta, mak estadu liliu ministériu saúde tenke prepara másimu atubele fó vasina.

“Vasina ne'e nia la’ós kontra maibé nia fó imunidade ba ita, e presiza duni Ministériu saúde reforsa iha parte sira ne'ebé karik aumenta nafatin ita mós bele aumenta nafatin volume de vasina, para aumenta ita-nia imunidade, tanba unikasaun ita atu prevene ne'e liuhusi vasinasaun ne'e”, dehan nia.

Deputadu bankada KHUNTO, António Verdial, kritika Ministra Saude, tanbasá ai-moruk vasina ne'e invalidu desde 10 fula-juñu,  maibé kontinua fó ema vasina.

Husu Ministériu Saúde atu oinsá identifika ema sira ne'ebe simu ona vasina invalidu, tanba konta husi loron 10 fulan-juñu to'o agora ema barak mak simu ona vasina doze dahuluk no doze daruak.

“Esplikasaun saida mak exelensia Ministra Saúde ba populasaun sira ne'ebé mak simu ona vasina ne'e”, hatete nia. (*)