Print this page

'Deskonfia’ Kompaña Balu Limita Traballadór Simu Vasina

By August 11, 2021 1002
Sekretária Komisaun F, deputada Elena Martins. Sekretária Komisaun F, deputada Elena Martins. Foto Suplay

Tempotimor (Dili)-Deskonfia Kompaña balun durante ne’e limita traballadór sira atubele tuir vasina kontra Covid-19, tanba la fó tempu ba traballadór sira maske Governu deklara sidaddaun hotu tenke simu vasina hafoin hala’o atividade normal.

Ho preokupasaun ne'e, Konfiderasaun Síndikatu Timór Lorosa'e (KSTL) deside hasoru malu ho Komisaun F trata asuntu Saúde, Segurasa Sosiál no Igualidade Jéneru iha Parlamentu Nasional oinsá atubele buka solusaun.

Sekretária Komisaun F, deputada Elena Martins informa, komisaun F simu preokupasaun husi KSTL atubele kordena ho Ministériu Saúde (MS) hodi bele fó atendimentu vasinasaun ba traballadór sira iha rai laran.

“Husi KSTL, mai hasoru malu ho Komisaun F, kona-bá kestaun mak oinsá MS atu haree fóvasinasaun, tanba kompaña balun kuandu traballadór ida-idak husu dala-ruma implika mós ba sira-nia servisu, dalaruma sira (kompaña) halo kedas dispedida lakoi atu simu fali, tanba ne'e mak razaun ohin (12/8) sira mai iha komisaun F”, dehan nia iha PN, kuarta (11/08).

Tanba traballadór hamutuk rihun-8 ónomos traballadór pásivu hamutuk 16, to'o agora balun seidauk hetan vasina tanba tauk hetan despedida husi kompaña.

Aleinde parte KSTL mós husu atu Governu presiza halo revizaun ba traballadór sira-nia saláriu mínimu.

Iha mos asuntu seluk, ne'ebé traballadór sira preokupa, liliu Governu tenke sensiabuliza informasaun kona-bá diretu traballadór sira-nia iha Institutu Nasionál no Seguransa Sosiál.

Tuir lolos, kontribusiaun ba seguransa sosiál ne'e, kompaña fó %6 no %4 ne'e mak mai husi saláriu traballadór.

“Lamentasaun ne'ebé mosu, sira hatete katak ho saláriu ne'ebé mínimu, ne'ebé sira balun la kompriende entaun ikus-ikus kuandu mosu ona Covid-19, estadu liuhusi MSSI fó subsídiu mak halo matríkula ba sira-nian, balun ba kompaña, balun ba pesoál”, esplika nia.

Durante sorumutuk, Komisaun F simu mos kestaun seluk maka kona-ba traballadór feto sira ne'ebe hetan violasaun seksuál no asédiu seksuál durante serbisu iha kompaña.

"Ne'e ba violénsia seksuál, violésia fíziku, ne'e bele mós akontese, e ida mós oras de traballu, dalaruma iha kontratu sira dehan tuku 8 maibé dalaruma ata-oan sira liu tiha fali ida ne'e”, hatete nia.

Ho informasaun ne'ebé relata, Komisaun F rekolla ona, tanba agora deputdu sira iha hela resesu, maibé Komisaun F planu sei hato'o kestaun sira ne'e bainhira iha plenária inklui sei haruka mós ba Ministériu relavante.

“E ohin ami mós rekomenda atu sira ba hasoru iha komisaun D trata asuntu dezenvolvimentu ekonómia, tanba komisaun D mak aprópriu ba asuntu de traballadór”, dekalra Elena. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items