Login to your account

Username *
Password *
Remember Me

PN Krítika MS Fasilita Vasina At ba Komunidade

Deputadubankada KHUNTO, António Verdial Deputadubankada KHUNTO, António Verdial Foto Suplay

Tempotimor (Dili)-Membru Komisaun Permanente iha Parlamentu Nasionál (PN) husi bankada KHUNTO, deputadu António Verdial krítika Ministériu Saúde (MS) ne’ebé fasilita vasina at ba komunidade hahú husi loron 10 fulan-juñu tinan 2021.

“Karik ai-moruk vasina ne'e invalidu desde 10 fula-juñu, tanbasá mak kontinua fó nafatin hodi vasina”, kestiona nia iha plenária Parlamentu Nasional (PN), tersa (10/08).

Tanba konta husi loron 10 fulan-juñu to'o agora ema barak mak simu ona vasina refere iha doze dahuluk no daruak nian.

Tanba ne’e husu ba Ministériu Saúde atu planu saida mak parte saúde halo hodi identifika ema sira ne'ebé simu ona vasina invalidu.

“Esplikasaun saida mak exelensia Ministra Saúde ba populasaun sira ne'ebé mak simu ona vasina ne'e”, hatete nia.

Ministra Saúde (MS), Odete Maria Freitas Belo, rekoñese vasina AstraZeneca balun at, tanba impaktu husi situasaun inundasaun iha fulan hirak liubá.

“Tanba vasina ne’e tau iha Hospitál Nasionál, ne’ebé tékniku informa parte eletrisidade mak ladún estável”, esplika nia.

Ho ida ne'e, parte governu konsulta ona ho Organizasaun Mundiál Saúde (OMS) no empreza ne’ebé prodúz vasina AstraZeneca, laiha métodu ida atu halo teste vasina di’ak ou la’e, maibé deklara de’it katak bainhira vasina ida iha konjeladór mak at, mak vasina iha laran sei at hotu.

Ho ida ne'e, vasina ne'ebé at iha konjeladór, hakarak ka lakohi pesoál ne’ebé responsabiliza ba jestaun armajenamentu iha obrigasaun atu hataan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter