“Primeiru Ministru fó orientasaun katak, ita tenke halo ona ba nova normalidade, maibé antes atu tama ba nova normalidade presiza iha rekezitu sira no situasaun Covid-19 sei lalakon husi ita-nia leten no iha ita-nia nasaun. Aliende ne'e mós PM informa ba KFP katak, Governu sei avansa ho kampaña vasinasaun, bainhira to'o pursentu 70 (70%) ne'e tama ona ba situasaun nova normalidade”, hatuta Prezidente Komisaun Funsaun Públika (KFP), Faustino Cardoso Gomes, iha Farol, tersa (10/08).
Tanba ne’e, Komisaun Funsaun Públika sei enkoraja ba funsionáriu sira, liuhusi komunikasaun, atu oinsá bele ba tuir Vasinasaun.
Iha audensia ne’e, entrega mós relatóriu anual ba tinan 2020 nian, ne’ebé foin entrega iha tinan 2021, tanba impede husi situasaun Covid-19 ne'ebé aplika Estadu Emerjénsia no Konfinamentu obrigatóriu.
"Funsionáriu sira iha Komisaun Funsaun Públika ne’ebé mak responsabilidade ba relatóriu sira ne'e mós afeita hotu ba moras Covid-19, ne’ebé mak tama hotu iha kuarentena no izolamentu, ne’ebé mak atende relatóriu ne'e ladun atendimentu ne'ebé mak seguru”, esplika nia.
Tuir Lei Komisaun Funsaun Públika ne'e tenke hato'o relatóriu, maske tarde, maibé Rohan fulan Marsu kada tinan, maibé tanba Covid mak Komisaun Funsaun Públika (KFP) hatama relatóriu iha fulan-agostu nia laran. (*)
