“Kazu detetatu foun 138 (iha Dili 78 munisípiu seluk hamutuk 60), mane 74, feto 64 ho idade tinan 20 na'in-26 hoidade entre tinan 12-59 na'in-109 (79%), ho idade 60 na'in-3”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, tersa (10/08).
Husi totál kazu detetadu foun iha 65 kazu ka 47,1% mak sintomátiku (hatudu sintomas), totál kazu ativu 1.544 no totál kazu konfirmadu kumulativu iha 10 Agostu 2021 (sura husi 21 Marsu 2020) hamutuk 11.717.
Hahú husi loron 9 to’o 10 fulan-agostu, hamutuk hotu Laboratóriu Nasionál Saúde (LNS) halo 388 testes PCR iha Dili ho detalla hanesan, vijilánsia sentinela 30, rastreiu ba kontaktu (contact tracing) 77, rastreiu aleatóriu (random screening) 10, viajen sai husi serka sanitária munisípiu Dili 183, Viajen internasionál 62 no follow up iha kuarentena 26.
Rezultadu testes PCR ne’ebé halo horiseik loron 9 fulan-agostu, iha munisípiu sira seluk REAOA ho HNGV, hamutuk 431 ho detalla hanesan Baukau 108, Ermera 9, Maliana 91, Maubisse 71, RAEOA 32, Suai 41, Vikeké 9 no HNGV 70. (*)
