“Totál kazu ativu iha loron 9 fulan-Agostu tinan 2021 hamutuk 1.422 no kazu detetatu foun ne’ebé relata ohin 50 (iha Dili 25 munisípiu seluk hamutuk 25), mane 25 no feto 25”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, segunda (09/08).
Husi totál kazu detetadu foun ho idade tinan 12 na'in-3 ho idade entre tinan 12-59 na'in-44 (88%) ho idade 60 na'in-3, 18 kazu ka 36% maka sintomátiku (hatudu sintoma), kazu rekuperadu 2 no totál kazu konfirmadu kumulativu iha 9 fulan-Agostu 2021 (sura husi 21 Marsu 2020) hamutuk 11.579.
Hahú husi loron 8 to’o 9 fulan-agostu, hamutuk hotu Laboratóriu Nasionál Saúde (LNS) halo 168 testes PCR iha Dili ho detalla hanesan vijilánsia sentinela 5, rastreiu ba kontaktu (contact tracing) 52, rastreiu aleatóriu (random screening) 0, viajen sai husi serka sanitária munisípiu Dili 79, viajen internasionál 2 no follow up iha kuarentena 30.
Rezultadu testes PCR ne’ebé halo iha loron 8 fulan-agostu iha munisípiu sira seluk REAOA ho HNGV hamutuk 139, ho detalla hanesan Baukau 43, Ermera 4, Maliana 0, Maubisse 36, RAEOA 28, Suai 17, Vikeké 3 no HNGV 28. (*)