“Tanba ida ne'e ita konsidera krime, nune'e ba pesoál saúde sira ne'ebé fasilita kartaun vasina kinur ba komunidade sira ne'e, tenke prosesa tuir dalan legál”, dehan Bonifacio iha salaun MSSI Kaikoli, segunda (09/08).

Tanba kartaun kinur ne'e bele oferese de’it ba komunidade sira ne'ebé simu ona vasina doze dahuluk no doze daruak nia atu sai hanesan evidénsia simu ona vasina Prevensaun Covid-19.

“'Maibé ba sira ne'ebé mak falsifika ne'e ita-nia seguransa sira halo ona kapturasaun e sira ne'ebé falsifika ne'e sei prosesa tuir lei ne'ebé iha, nune'e deskonfia iha mós pesoál saúde monu iha laran”, afirma nia.

Nune'e investigasaun sei la'o hela, bainhira deteta los pesoál saúde envolve iha laran sei prosesa tuir lei. (*)