“Iha Vikeké, Uatulari pesoál saúde sira mós lamenta tebes ho hahalok komunidade balun ne'ebé tuda pesoál saúde sira tanba labele simu vasina ho stock vasina hotu no kartaun hotu entaun sira hakarak simu maibé vasina hotu tiha entaun halo maneira balu que tuda ita-nia pesoál saúde sira”, dehan Daniel iha FONGTIL, Kaikoli, segunda (09/08).
Tanba tuir relatóriu monitorizasaun ba semana dala 7 nian, husi loron 2 fulan-Agostu to'o loron 6 fulan-Agostu tinan 2021, komunidade balu tuda pesoál saúde sai hanesan preokupasaun FONGTIL hodi rekomenda ba Ministériu Saúde atu tau ekipamentu ne'ebé sufisiente ba suku sira atu labele fó risku ba pesoál saúde.
“Ita rekomenda ba Ministériu presiza garante stock ekipamentu prevensaun Covid-19 iha fatin vasinasn hotu hodi labele fó risku ba pesoál saúde nomós desanima komunidade sira ne'ebé hakarak simu vasina inklui mós stock kartaun kinur hotu”, hatete nia.
Ho ida ne’e, Ministériu saúde tenke kria maneira seluk atu servisu hamutuk ho autoridade komuntária sira hodi hasa'e konsiénsia komunidade nian kona-ba vasina nian, liuhusi sensibilizasaun informsaun kona-ba benefisiu vasina nian. (*)
