Login to your account

Username *
Password *
Remember Me

PM Taur Preokupa Má Nutriasaun iha TL Kontinua Sa'e

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak, preokupa má nutrisuan iha Timor-Leste (TL) durante ne’e kontinua sa'e, tanba haree husi rezultadu ne’ebé fó sai pursentu 36 (36%).

“Ha'u hanesan eis militár ida ha'u preokupa tanba kuandu hanesan komandante oioin jenerál nia forsa mak ema, ita bele iha kainaun, ita bele kilat ne'ebé mais ema kuandu nia fraku nia sa'e foho labele, halai labele ne'e ita mate ona tanba má nutrisaun iha Timor-Leste nível mundiál sa'e pursentu 28, iha Ázia pursentu 24, iha Sudeste Aziatiku pursentu 18, iha Timor-Leste pursentu 36”, dehan PM Taur iha City8 Maneluana, segunda (09/08).

Ho ida ne’e presiza servisu hamutuk, tanba haree didi’ak iha gráfiku kona-ba seguransa alimentar má nutrisaun Timor-Leste iha nível ida mós preokupante.

Maibé desnutrisaun iha Timor-Leste nível mundiál atinje pusentu 22 iha Ázia Timor-Leste pursentu 22, Sudeste aziatiku atinje pusentu 27, Timor-Leste rasik atinje pursentu 47.1. Nune'e husu ba sidadaun atu konsiente dever no responsabilidade hodi halakon má nutrisaun.

“Ita hakarak ita-nia sidadaun no komunidade sira konsiente liuba sira-nia devér no responsabilidade, atu apoiu esforsu nasionál sira hodi halakon hamlaha no lisan ladi’ak sira kona-ba nutrisaun nian”, dehan nia.

Nune’e sidadaun sira presiza promove sira-nia partisipasaun efetiva iha Planu Nasionál Seguransa Alimentár nian, ne’ebé aprova ona husi Governu no akompaña inisiativa husi Sekretáriu Jerál Nasaun Unidas nian, iha esforsu globál boot hodi hadi’a Sistema Ai-hán Mundiál nian.

Maibé agradese mós ba doadór sira liliu Word Food Programme (WFP) atu kontinua apoiu nafatin parseiru ne'e hodi halakon má nutrisaun iha Timor-Leste.

Tanba ne’e, hakarak promove inovasaun, kriatividade no empreendedorizmu, ne’ebé envolve parseiru sira dezenvolvimentu nian iha implementasaun planu no medida oioin hodi kombate hamlaha no sub-nutrisaun.

Aliende ne’e, envolve mós tékniku, peritu, espesialista ka estudiozu sira ba nesesidade atu debate iha Diálogu Nasionál ho tema sira “hahán saudavel no belun ambiente nian”, iha espíritu Komunidade Alimentár ida ne’ebé loos. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter