Tanba rezultadu sekuensia genómica amostra 20 husi kazu pozitivu iha munisípiu Ermera, ne’ebé Laboratóriu Nasional Saúde (LNS) haruka iha loron 29 fulan-Jullu de 2021 ba Peter’s Doherti Institute iha Melbourne, Austrália, ho pedidu atu halo análize urjente, hetan ona resposta preliminar, iha loron 7 fulan-Agostu 2021 hatudu sidadaun na'in-12 afeitadu variante Corona-Delta.
“Rezultadu sekuensiasaun genómika hadutu katak amostra husi ema ni’an-12, iha lineajen B.1.617.2 (Delta), variante ne’ebé preokupante, ka “variant of concern’’. Sira ni’an-12 ne’e, balun hala’o izolamentu terapeutiku iha fasilidade ne’ebé governu prepara, balun halo izolamentu terapeutiku domisiliar. Rezultadu hirak ne’e hatudu katak variante preokupante Delta nakda’et ona iha komunidade Ermera nia le’et”, dehan Rui Maria de Araújo, liuhusi komunikadu, domingu (08/08).
Husi sidadaun pozitivu na'in-12 ne’e balun hala’o izolamentu terapeutiku iha fasilidade ne’ebé governu prepara, balun halo izolamentu terapeutiku domisiliar.
Entretantu kazu detetadu ne’ebé relata iha loron 8 fulan-Agostu tinan 2021 foun 54 (iha Dili 36 munisípiu seluk hamutuk 18), mane 26 no feto 28.
Husi totál kazu detetadu foun hirak ho idade tinan 12 na'in-3 ho idade entre tinan 12-59 na'in-48 (88,9%), ho idade 60 na'in-3, 20 kazus ka 37% mak sintomátiku (hatudu sintomas), kazu rekuperadu 19, kazu ativu 1.335 no totál kazu konfirmadu kumulativu iha 8 fulan-Agostu 2021 (sura husi 21 Marsu 2020) 11.475.
Hahú husi loron 7 to’o 8 fulan-Agostu, hamutuk hotu Laboratóriu Nasionál Saúde (LNS) halo 243 testes PCR iha Dili ho detalla hanesan, vijilánsia sentinela 40, rastreiu ba kontaktu (contact tracing) 63, rastreiu aleatóriu (random screening) 11, viajen sai husi serka sanitáriaunisípiu Dili 119, viajen internasionál 0 no follow up iha kuarentena na'in-10.
Rezultadu testes PCR ne’ebé halo iha loron 7 fulan-Agostu iha munisípiu sira seluk REAOA ho HNGV, hamutuk 246, ho detalla hanesan Baukau 85, Ermera 0, Maliana 31, Maubisse 36, RAEOA 37, Suai 85, Vikeké 18 no HNGV 31. (*)
