“Semana oin, kuarta-feira (11/08), ita sei simu tan besik 300 mill doze tan husi Austrália”, hatete Danina iha salaun MSSI, Kaikoli, sesta (06/08).

Nune'e, Governu Japaun mós sei apoiu tan vasina ho doze hamutuk rihun-168 ne'ebé transporta hamutuk Austrália nian mai dala-ida iha semana oin.

“Ita mós hatene katak, ita iha tan 168 mill doze ne'ebé atu mai husi Japaun, ohin informasaun ne'ebé mak ami simu katak doze sira ne'e mós em-prinsípiu mai hamutuk ho doze ida atu mai husi Austrália. Sé nune'e, estaun quer dizer semana oin ita simu kuaze 500 mill doze”, dehan nia.

Ho vasina hirak ne'e sei bele sufisiente ona atu halo kampaña vasimasaun dala-ida de’it ba Munisípiu hothotu, liliu sira ne'ebé seidauk simu Vasina Kontra Covid-19.

Entretantu, totál vasina ne'ebé durante ne'e Governu Timor-Leste simu husi doadór sira no sura ho vasina hirak ne'ebé atu mai, hamutuk ona doze rihun-514.650. (*)