“Maibé pursentu 45 populasaun Timor-Leste sira relata katak, sira simu vasina hakarak atu la'o livre, siknifika sei iha lubuk ida sira hatete katak sira simu vasina ho intensaun atu la'o movimentu livre, entaun pontu pozitivu ne'ebé ita deskobre durante iha semana ida nia laran”, dehan Daniel liuhusi Komferensia imprensa iha Fongtil, Kaikoli, tersa (03/08).

Maibé sidadaun ho pursentu 55 (55%) simu vasina atu aumenta imunidade atu evita Covid-19.

“Iha semana dala neen nian husi juñu to'o jullu to'o mai inisiu do Augustu ne'e rejista katak populasaun mais de 55% mak relata katak sira ba simu vasina tanba ho intensaun hakarak halo prevensaun surtu Covid-19, siknifika ida ne'e rezultadu pozitivu, tanba antes ne'e persentajen boot mak relata katak, sira hakarak simu vasina tanba livre de'it halo movimentu maibé agora iha ona konsiénsia hakarak simu vasina hodi prevene ba Covid-19”, afirma nia.

Maneira ne’ebé FONGTIL utiliza hodi deskobre liuhusi pesoál saúde sira hotu ne'ebé fó vasina ba populasaun sira. Tanba populasaun maioria mak simu vasina hatudu katak doutór sira fó konsulta istória moras komunidade antes ba vasina maibé iha sentru vasina balun pesoál saúde sira konsulta uluk antes simu vasina. (*)