“Labarik kiikoan husi idade 5 mai kraik iha 300-resin, inan isin-rua hamutuk 15, tanba ne'e ami presiza ajuda husi Ministériu Saúde liliu ba muskitéiru, atu oferese ba iha uma-kain ida tenke hetan 3 ou 4 nune'e sira la bele kona moras dengue no moras sira seluk”, hatete nia iha eis merkadu Komoro, sábadu (31/07).
Tanba Ministériu Saúde fó muskitéiru ba uma-kain 1 hetan ida de'it la di’ak, tanba sira mós iha oan, se sira hetan muskitéiru 1 de'it sira-nia oan ho sira seluk la bele asesu.
"Ida ne'e mak ha'u relata ba Ministériu Saúde bele ajuda no mós ministerial sira seluk bele tulun mós kona-ba muskitéiru ne'e”, dehan nia.
Hatan ba preokupasaun ne'e, Ministra Saúde, Odete Maria Freitas Belo hatete, horseik ekipa saúde distribui ona maibé xefe aldeia husu atubele hetan tan adisional ruma.
"Tanba ba uma-kain ita distribui maibé ita mós seidauk hatene iha uma-kain ida ne'e, tanba iha uma ida ita iha Timor uma-kain ida ne'e mais de uma-kain ida, rua entaun ida ne'e mak tenke haree filafali”, dehan Ministra.
Muskitéiru ne’ebé autoridade husu, Ministériu Saúde iha hela maibé importante dadus mai atu sira bele halo diskusaun no distribuisaun. (*)