Print this page

Governu Aplika Komfinamentu Obrigatóriu ba Postu Railako-Ermera

Mapa munisípiu Ermera. Mapa munisípiu Ermera.

Tempotimor (Díli)-Governu liuhusi Konsellu Ministru Extraordináriu hodi deside aplika Komfinamentu Obrigatóriu (Lockdown) ba Munisípiu Ermera liliu postu administrativu Railako no Ermera durante semana rua.

"Ohin konsellu Ministru halo reuniaun Extraordináriu ida tanba iha situaun Emerjénsia ne'ebé relasiona ho Pandemia ne'ebé espalla liliu iha Munisípiu Ermera maibé ba postu rua de'it mak postu administrativu Railaco no mós Ermera”, informa Ministru Prezidénsia Konsellu Ministru, Fidelis Leite Magalhães, iha Palásiu Governu, sesta (30/07).

Aplikasaun konfinamentu obrigatóriu ba Postu rua ne’e, Tatba númeru infetadu ne'ebé sa'e maka'as kompara ho loron hirak liuba husi kada loron atusida-resin, nune'e iha loron balun nia laran sa'e ona ba atustolu (300) resin.

“Projetu rezolusaun ne'e Governu nian ne'e impoin Komfinamentu Obrigatóriu ba populasaun iha Postu administrativu Railaco no Ermera hahu husi tuku 00:00 loron 31 fulan Jullu to'o tuku 11:59 iha loron 11fulan Agostu tinan 2021”, esplika nia.

Ho Komfinamentu Obrigatóriu iha Postu rua ne'e atividade Eskola no Relijioza inklui atividade sosial sira hotu sei suspende. Maibé la taka dalan ba sidadaun ne'ebé mak vasina dalarua ona hodi halo movimentu.

"Ho Komfinamentu Obrigatóriu iha postu rua ne'e postu Railaku no Postu Ermera ne'e la implikasaun ba hirak ne'ebé mak simu ona Vasina kompleta dalarua maske iha Komfinamentu postu rua ne'e no serka Sanitária ba Munisípiu Ermera tomak ba hirak ne'ebé Vasina Dalarua bele movimenta ba mai sira ne'ebé mak seidauk Vasina seidauk bele halo movimentu”, dehan nia.

Governo nia preokupasaun boot mak to'o oras ne'e iha Munisípiu Ermera sidadaun ne'ebé simu Vasina foin atinje pursentu 12 (12%).

Nune'e konsellu Ministru aprova mós eliberasun ida atu Orienta Ministra Saúde no departamentu sira hotu ne'ebé responsável ba kampaña Vasinasaun, atubele mobiliza rekursu nesesariu sira atu hasa'e Vasina iha área Munisípiu Ermera, no dalan ida ne'e bele hsa'e persentajen. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items