“Agradese wain ba WFP, deseza susesu ba ita-nia kooperasaun, nune'e ita-nia kooperasaun ne'e sei sai di'ak liután e sei sai forte liután, tanba ita hotu hakarak ita-nia oan sira-nia futuru di'ak”, dehan Armindo Maia, iha salaun MEJD, Vilaverde, kinta (29/07).

Ho apoiu sira ne'e sei oferese uluk ba eskola afetadu sira liliu eskola iha Munisípiu Ermera ne'ebé dadaun ne'e estudante lubuk ida mak pozitivu ba Covid-19.

Tanba ne'e máskara sei oferese ba Estudante sira iha Munisípiu Ermera, atu nune'e sira bele uza hodi halo prevensaun.

Iha fatin hanesan Diretór Nasionál FWF iha Timor-Leste, Dageng Liu, sente kontente tebes tamba bele halo kooperasaun di'ak ho MEJD hodi apoiu sasán sira ne'e ba eskola sira hodi bele kuida labarik sira nia saúde.

“Sente onradu tebetebes, no previleziu boot ida tanba programa ne'e bele la'o di'ak, kooperasaun ida ne'e atu mellora ba labarik sira-nia saúde, nune'e sira saúdavel nafatin iha sira-nia estudu ba futuru”, dehan nia. (*)