“Kazu ativu 654 no totál kazu konfirmadu kumulativu iha 27 fulan-Jullu 2021 (sura husi 21 Marsu 2020) hamutuk 10.387”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, tersa (27/07).
Maibé kazu detetatu foun ne’ebé relata iha loron 27 fulan-Jullu tinan 2021 hanutuk 33 (iha Dili 10, munisípiu seluk hamutuk 23) mane 12, feto 21 no kazu rekuperadu iha 35.
Husi totál kazu detetadu foun ho idade tinan 12 na'in-1, ho idade entre tinan 12-59 na'in-30 (91%) ho idade 60 na'in-2, 15,1% maka sintomátiku (hatudu sintomas),
Hahú loron 26 to’o 27 fulan-Jullu, hamutuk hotu Laboratóriu Nasionál Saúde (LNS) halo 409 testes PCR iha Dili, ho detalla hanesan Vijilánsia sentinela 1, Rastreiu ba kontaktu (Contact tracing) 98, Rastreiu Aleatóriu (Random Screening) 29, Viajen sai husi serka sanitária munisípiu Dili 259, Viajen internasionál 16 no follow up iha kuarentena 7.
Rezultadu testes PCR ne’ebé halo iha loron 26 fulan-Jullu iha munisípiu sira seluk REAOA ho HNGV, hamutuk 382, ho detalla hanesan Baukau 77, Ermera 4, Maliana 25, Maubisse 77, RAEOA 53, Suai 72, Vikeké 33 no HNGV 41. (*)
