Doutór Alito ‘Mete’ Pesoál Saúde Isin Tatto no Brinkus iha Tilun

Atuál Diretór Ezekutivu HNGV, Alito Soares ka’er liman hela ho Diretór Ezekutivu sesante HNGV, Aniceto Cardoso Barreto hafoin simu posse iha HNGV, segunda (26/07).  Atuál Diretór Ezekutivu HNGV, Alito Soares ka’er liman hela ho Diretór Ezekutivu sesante HNGV, Aniceto Cardoso Barreto hafoin simu posse iha HNGV, segunda (26/07). Foto Tempo Timor

Tempotimor (Díli)-Diretór Ezekutivu Ospitál Nasional Guido Valadares (HNGV), Alito Soares, mete pesoál saúde mane sira ne’ebé isin tato no brinkus iha tilun, tanba preokupa hodi mete privasidade ema nian.

“Dalaruma ha'u haree, ha'u-nia kolega mai ho fuuk naruk, mane mós fuuk naruk hanesan feto, tilun mós iha brinkus hotu liman ain isin tatto hotu situasaun sira ne'e preokupa tebes iha ita-nia komunidade, ha'u hanoin ida ne'e komprímisu ami sei tau ba kritéria rekrutamentu nian”, dehan Alito Soares iha HNGV hafoin simu tomada pose, segunda (26/07).

Maske tatto hanesan arte ida ne’ebé pesoál balun hakarak utiliza sira-nia isin hodi pinta, maibé ida ne’e sei regula no tau iha kritériu bainhira halo rekrutamentu ba pesoál saúde foun atu servisu iha ospitál.

Aliende ne’e, preokupa mós pesoál saúde ne’ebé durante ne’e atende pasiénte sira iha ospitál Nasionál la uniforme, hodi hetan kritika husi pasiénte sira.

“Assuntu ida ne'ebé ke la'ós siénsia nian maibé sensitivu, etika komunikasaun uniforma, loron ida ha'u on call ha'u ba iha Emerjénsia ne'ebá hatais de'it farda operasaun nian, ha'u hasoru pasiénte planu atu opera, pasiénte husu botamak ne'e sé mak ne'e?. Isin kotuk tan krekas tan se mak ne'e?. Situasuan sira ne'e ba ha'u uniforme ne'e ba ha'u importante tebetebes ba servidór sira iha ospitál”, afirma nia.

Tanba ne’e husu atu labele mai ho kór ketak ketak balun kor azul balun kór mean tanba étika komunikasaun presiza tau atensaun mós situasaun sira hanesan ne’e. (*)

 

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter