“Totál vasinas ne'ebé Timor-Leste simu to'o dia 20 de jullu de 2021 ne'e, hamutuk  464.380 mill”, hatete Portavóz Komisaun Interministerial ba Implementasaun Vasina Covid-19, Danina Coelho, iha karta komunikadu ne'ebé www.tempotimor.com asesu iha sesta (23/07).

Aleinde ne'e, simu mós doasaun husi Governu Japaun hamutuk 16.800 doze AtraZeneca ne'ebé entrega ona liuhusi Covax facility.

“Ita hotu presiza atu kontinua prátika atitude preventivu ba covid-19, ne'e inklui mós hafoin ita simu tiha doze daruak husi vasina nian, no labele fali hakat fronteita ilegál. Ho esforsu sira ne'e, ita sei bele hapara atu vírus ne'e labele espalla no ita bele proteze ita hotu nia-an, ita-nia família nomós ita-nia komunidade sira”, hatete nia.

Entretantu to’o iha loron sesta (23/07), TL rejísta ona kazu konfirmadu Covid-19 nian hamutuk 10.227, no husi númeru ne'e, iha na'in-26 lakon ona vida (mate) ho Covid-19. (*)