“Sim, tanba dadan ida ne'e hatudu iha Saúde Munisípiu Dili nian, katak partisipasaun husi estimasaun neebé mak ita atu atinje ba vasina covid iha Postu Administrativu Dom Aleixo, primeiru, númeru ida ne'ebé sei boot mak seidauk partisipa, iha 55 mill. Depois tuir mai Cristo Rei iha 35 mill, tuir mai mak Ataúro 3.325 mill (populasaun)”, informa Diretora Servisu Saúde Munisípiu Dili, Agostinha Segurado, iha Klínika Maternidade Fatumeta, kuarta (21/07).

Maibé sira labele hatene razaun saida mak komunidade sira lakohi partisipa iha vasina, maibé dadus kona-ba progresu vasina nian hatudu katak, númeru populasaun iha postu administrativu tolu, barak mak seidauk vasina.

“Agora, iha postu administrativu Ataúro, ita-nia estimasaun ne'e tarjetu ne'e hatudu-rihun 7,177 pesál. Husi ida ne'e, foin mak vasina iha 3745. Iha Dom Aleixu, 49 mill mak partisipa ona. Sira iha 99 mill ital pesoál. Sé 49 mill, entaun sei falta 55 ital. Hanesan mós Cristo Rei, sira iha 80 mill ital, sira sei falta 35 mill. Entaun, husi pursentu entre simu ho seidauk ne'e, númeru ne'e hanesam de'it”, esplika nia.

Enkuantu, Postu Administrativu 3 seluk hanesan, Na’in Feto, Verra Cruz no Metinaru, populasaun maioria partisipa ona iha programa nasionál vasina covid-19, tanba nia númeru hela de'it ona rihun-ida (1000), no balu tun ona ba atus-sia (900).

“Pelu-menus, postu administrativu Verra Cruz, nia persentajen ida di’ak teb-tebes. Husi tarjetu ne'ebé iha, sira sei falta de'it 900 itál, mais ida ne'e dadus iha dia 14 liubá. Ha'u fiar katak iha mudansa dadauk ona mai to'o iha dia 20 ohin, hanesan mós postu administrativu sira seluk ohin ha'u temi, maske sira sei iha boot, maibé husi dia 14 ne'e dadus ikus, espera katak aumenta loron 4 ka 5 ne'e, ita bele redúz husi númeru ida ne'ebé ohin 55, 35 nomós 3 mill ne'e bele tun tuir númeru ne'ebé ita hakarak”, dehan nia. (*)