“Governu Timor-Leste prepara atu simu 500.000 doses vasinas kontra Covid-19 iha semana hirak tuir mai, ida ne'e inklui vasina ne’ebé mai husi doasaum husi Governu Austrália, Japaun no Portugal liuhusi dalan doasaun Bilateral”, dehan Danina Coelho, iha salaun MSSI Kaikoli, sesta (16/07).
Vasina ne’ebé simu iha fulan-jullu nia laran husi nasaun talu ne’e, iha loron 2 fulan-agostu aloka ona ba kada munisípiu.
Entretantu Governu Austrália sei apoiu rihun-168, Portugál rihun-12.00, no husi Japaun rihun-300 liu ho totál hamutuk rihun-500 ne'ebé sei siimu hodi kontinua aloka ba munisípiu sira.
“Komisaun Interministerial iha nia reuniaun Extraordináriu iha loron 13 de Jullu anunsia deliberasaun rua, ida kona-ba mudansa estratéjia atu vasina tuir Munisípiu ida-idak to’o remata risku ba Covid-19. risku atu hetan transmisaun husi variante Delta, no deliberasaun seluk atu inisia kontaktu hodi buka vasina ne’ebé adekuadu ba ema ho idade 12 ba leten ao mesmu tempu atu prepara no mellora korentr malirin iha rai laran hodi prepara simu vasina sira ne'e”, dehan nia.
Tanba ne'e, povu Timor-Leste apresia no agradese tebes ho apoiu sira ne'e ho nune'e sira sei hala’o kompaña sein interupsaun.
"Maske enkorajador tebes haree ema barak mak simu ona vasina, ita-nia objetivu final mak atu garante ema hotu ne’ebé elezivel atu simu vasina bele simu sira-nia vasina, no agradese tebes ba rai barak ne’ebé apoia ho doasaun bilateral liuhusi mekanizmu COVAX atu aumenta disponibilidade vasina iha ita-nia rain”, afirma nia.
Entretantu ema ne'ebé elezivel atu simu vasina kontra Covid-19 iha territóriu laran tomak hamutuk rihun 754,867 no iha 240.000 mak simu ona doze dahuluk no 40.000 mak simu ona doze daruak. (*)