“Kazu detetatu foun ne’ebé relata ohin dia 10 fulan-Jullu de 2021 iha 56 (iha Dili 50, Munisípiu seluk hamutuk 6). Kazu rekuperadu ne’ebé ralata ohin, dia 10 Jullu 2021 hamutuk 65. Totál kazu ativu ohin, dia 10 de Jullu 2021 hamutuk 906”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, sábadu (10/07).

Husi totál kazu detetadu foun ne’ebé relata iha loron 10 fulan-jullu tinan 2021 iha mane 35 no feto 21 .

Husi totál kazu detetadu foun hirak ho idade tinan 12:0 ho idade entre tinan 12-59 nain 56 (100%) ho idade 60:0, iha 7,14% mak sintomátiku (hatudu sintomas). Kazu konfirmadu kumulativu iha 10 fulan-Jullu 2021 (sura husi 21 Marsu 2020) hamutuk 9766.

Husi loron 9 to’o 10 fulan-Jullu, hamutuk hotu Laboratóriu Nasionál Saúde (LNS) halo 662 testes PCR iha Dili, ho detalla hanesan vijilánsia sentinela 24, rastreiu ba kontaktu (contact tracing) 128, rastreiu Aleatóriu (random screening) 69, viajen sai husi serka sanitária Munisípiu Dili 413, viajen internasionál 8, no follow up iha kuarentena 20.

Totál testes PCR ne’ebé halo iha loron 9 fulan-Jullu iha Munisípiu sira seluk, REAOA & HNGV, hamutuk 289, ho detalla hanesan Baukau 83, Ermera 58, Maliana 21, Maubisse 64, RAEOA 0, Suai 9, Vikeké 20, no HNGV 34.

Entrentantu totál doze vasina ne’ebé fó ona ba populasaun elijível (tinan 18 ba leten), to’o loron 10 fulan-jullu dader 10H00, (tuir Sistema Informasaun Sáude iha Ministériu Saúde) totál no pursentun (%) kumulativu 1ª doze iha Dili 116,026 (54,7%) no Timor-Leste hamutuk 230,175 (30,5%).

Nune’e mós totál no pursentu kumulativu doze daruak iha Díli hamutuk 19,1866 (8,97%) no iha Timor-Leste 31,369 (4,16%). (*)