Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu Covid-19 ativu iha Timor-Leste hamutuk 915 no kazu detetadu foun iha 32.
“Totál kazu ativu ohin, loron 9 fulan-Jullu 2021 hamutuk 915 no kazu detetatu foun 53 (iha Dili 32, munisípiu seluk hamutuk 21) mane 33 no feto 20,” informa Rui liuhusi komunikadu imprensa, sesta (09/07).
Husi totál kazu detetadu foun hirak ho idade tinan 12 na'in-1, ho idade entre tinan 12-59 na'in-52 (98,1%) nune'e 11,3% mak sintomátiku (hatudu sintomas), kazu rekuperadu 42 no totál kazu konfirmadu kumulativu iha 9 fulan-Jullu 2021 (sura husi 21 Marsu 2020) hamutuk 9710.
Hahú husi loron 8 to’o 9 fulan-Jullu, hamutuk hotu Laboratóriu Nasionál Saúde (LNS) halo 771 testes PCR iha Dili, ho detalla hanesan, vijilánsia sentinela 7, rastreiu ba kontaktu (contact tracing) 101, rastreiu aleatóriu (random screening) 26, viajen sai husi serka sanitária munisípiu Dili 614, viajen internasionál 2 no follow up iha kuarentena 21.
Rezultadu testes PCR ne’ebé halo loron 8 fulan-Jullu iha Munisípiu sira seluk REAOA ho HNGV, hamutuk 269, ho detalla hanesan, Baukau 81, Ermera 8, Maliana 8, Maubisse 52, RAEOA 1, Suai 37, Vikeké 27 no HNGV 55. (*)
