“Kazu detetatu ne’ebé relata iha loron 8 fulan-Jullu tinan 2021 foun 63 (iha Dili 43, munisípiu seluk hamutuk 20) mane 32, feto 31 no kazu rekuperadu 46”, dehan Koordenad’or Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, kinta (08/07).
Husi totál kazu detetadu foun ho idade tinan 12 na'in-4, ho idade entre tinan 12-59 na'in-57 (90,4%) ho idade 60 na'in-2, 17,4% mak sintomátiku (hatudu sintomas).
Iha mós kazu ativu iha loron 8 fulan-Jullu 2021 904 no totál kazu konfirmadu kumulativu iha 8 fulan-Jullu 2021 (sura husi 21 Marsu 2020) hamutuk 9657.
Hahú husi loron 7 to’o 8 fulan-Jullu, hamutuk hotu Laboratóriu Nasionál Saúde (LNS) halo 708 testes PCR iha Dili, ho detalla hanesan, vijilánsia sentinela 41, rastreiu ba kontaktu (contact tracing) 42, rastreiu aleatóriu (random screening) 17, viajen sai husi serka sanitária munisípiu dili 607, viajen internasionál 0 no follow up iha kuarentena 1.
Rezultadu testes PCR ne’ebé halo iha loron 7 fulan-jullu iha munisípiu sira seluk, REAOA ho HNGV, hamutuk 333, ho detalla hanesan, Baukau 92, Ermera 61, Maliana 5, Maubisse 117, RAEOA 10, Suai 35, Vikeké 3 no HNGV 10. (*)
