Vise Primeira Ministra (PM), Armanda Berta dos Santos no Ministra Saúde, Odete Maria Freitas Belo, aprezenta iha Konsellu Ministru kuarta (07/07) katak, pontu situasaun implementasaun kampaña vasinasaun.
“To’o loron 6 fulan-juñu simu ona vasina ho totál 359.800 doze, iha ne’ebé 243.949 mak fó ona”, hatete Ministru Prezidensia Konsellu Minstru, Fidelis Leite Magalhães, iha Palásiu Governu, kuarta (07/07).
Husi vasinasaun hirak ne'e mai husi apoiu Covax doze 124.800 vasina AstraZeneca, no Governu Austrália mós apoia vasina AstraZeneca hamutuk doze 135.000, maibé doasaun husi nasaun Xina hamutuk doze 100.000 vasina Sinovac.
“Liuhusi mekanizmu COVAX nian to’o ona 124.800 doze vasina AstraZaneca, ne’ebé oferese husi Austrália mai tan 135.000 vasina AstraZaneca no liuhusi doasaun Xina nian mai tan 100.000 doze vasina Sinovac”, informa Fidelis.
Husi totál 243.949 doze ne’ebé fó iha nível nasionál, 224.155 mak vasina ho AstraZaneca no 19.797 husi vasina Sinovac.
Iha nível nasionál ema hamutuk 217.677 (28,7%) mak simu ona doze dahuluk no 26.272 (3,5%) kompleta ona vasinasaun, iha Munisípiu Dili, fó ona vasina doze dahuluk kontra Covid-19 ba ema hamutuk 115.737 (54,1%) no ema hamutuk 14.418 mak simu ona doze daruak (6,74%). (*)
