Login to your account

Username *
Password *
Remember Me

MS Deklara Hilaria Mate Laiha Reasaun Husi Vasina AstraZeneca

Ministra Saúde (MS), Odete Maria Freitas Belo. Ministra Saúde (MS), Odete Maria Freitas Belo. Foto Suplay

Tempotimor (Dili)-Ministra Saúde (MS), Odete Maria Freitas Belo, ofisialmente deklara rezultadu kona-ba Matebian Hilaria de Jesus, mate la’ós tanba vasina AstraZeneca, tanba laiha reasaun husi vasina refere.

Maske públiku tomak deskonfia mate tanba vasina AstraZeneca iha Suku Lour, Postu Administrativu Bobonaro, Munisípiu Bobonaro.

"Rezultadu ami-nia ekipa ne’ebé mak toma konta ba reasaun vasina nian sei hato'o informasaun mai ita, tanba ita la halo otopsia ba pasiénte no ita la halo visun ba mate isin ne’ebé mak iha. Maibé ho informasaun ne’ebé mak hetan iha ospitál nia prosesu tomak ne’ebé mak halo no liga efeitu ho vasina ne’ebé mak ko’alia, moras ne’ebé mak oho inan feto laiha relasaun no dook teb-tebes husi vasina ne'e nia efeitu”, dehan Odete hafoin remata enkontru ho Primeiru Ministru (PM), Taur Matan Ruak iha Residénsia Primeiru Ministru Farol, tersa (06/07).

Maske Matebian Hilaria mate iha tempu ne’ebé mak simu vasina husi Ministériu Saúde no médiku sira maibé normalmente nia mate ne'e tanba moras.

"Família no públiku kestiona entaun ita tenke halo vizum Entry pet um ba pasiénte ne'e hodi haree mate isin ne'e oinsá to'o iha konkluzaun ida lo'os nian mak tenke halo otopsia”, dehan nia.

Tanba ne'e ba kazu ida ne'e sira-nia parte la hetan informasaun, maibé informasaun ne’ebé ekipa hetan ne'e husi infermeiru no médiku sira maibé husi família ne'e seidauk hetan informasaun.

“Ita atu husu ba família durante ne'e nia iha moras ruma klae?. No semana ida liuba ne'e nia konsulta klae?. Entaun informasaun sira kiik oan hanesan ne'e ita hakarak  hetan husi família maibé ita la hetan no susar ba ita atu hatene durante ne'e nia hetan tiha ona moras kalae, susar teb-tebes ita atu hatene”, dehan nia.

Tanba atividade kampaña vasina ne'e hothotu tenke kopera labele halo akontese kazu  ruma mate ka moras rins entaun hothotu tenke kopera hodi bele hatene nia kauza ne'e saida, hodi nune'e governu foti desizaun.

Parte governu mós prontu atu la uza Vasina AstraZeneca bainhira informasaun ne'e los katak ema mate duni ba vasina.

"Loos duni vasina mak halo ema ne'e mate, ami deside la uza vasina ne'e ami bele uza fali vasina seluk”, haktenik Ministra.

Tanba parte ekipa mós hakarak hatene moras saida de’it mak halo rán sai husi ibu no inus primeiru kontestu maka hare ba iha timor ne'e kazu tuberkuloze sei barak no kankru pulmaun ne'e nia numeru a'as.

Bainhira ema mate ho hemoptus mate rán sai paruparu ne'e tuberkulozu, no ida Mós kankru ikus liu haree bateria ruma iha nia pulmaun ne'e, keta kleur ona nia sofre moras hepatitis roma karik lahalo otopsia ba nia maibé família tenke informa nia iha istoria moras ne'e hodi nune'e parte saúde bele liga ba diagnosa ne'e ba malu.

"Maske la relasaun ho vasina maibé ita sura nafatin ema na’in-3 ka 4 ne’ebé mak mate ami dehan laiha relasaun ho vasina maibé sura nafatin no tau nafatin iha Ministériu Saúde nia nota hamutuk ho OMS hodi haree nia mate ne'e tanba saida, ami bele buka fali nia istória konsulta hodi haree ema ne'e uluk iha moras ruma la detekta no tempu ne’ebé mak nia simu vasina ikus deside ho ninia mate”, afirma nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter