UNTL Lakon Profesór Miguel Maia

Matebian Profesor Doutor Miguel Maia dos Santos. Matebian Profesor Doutor Miguel Maia dos Santos. Foto Suplay

Tempotimor (Dili)-Pro-Reitór asuntu Akadémiku, Universidade Nasional Timor-Leste (UNTL), Profesor Doutor Miguel Maia dos Santos (61), iha sábadu (03/07), maizumenus tuku 07:45 dadeersan, hakotu ona iis (mate), iha sala ICU-Hospitál Nacional Guido Valadáres (HNGV) Bidau, tanba sofre moras iha fuan.

Ho peregrinasaun ikus Profesór Miguel nian, halo estrutura tomak iha Universidade UNTL, sente lakon rekursu di'ak ida ne'ebé durante fó nia kontribuisaun ho sakrifísiu tomak hodi serví universidade ne'e durante tinan naruk nia laran, tanba iha koñesimentu barak mak partilla ona ba sivíta akadémika tomak iha UNTL.

"Ha'u-nia kuñadu, ha'u-nia rian, nia moras iha semana hirak liuba, tanba nia sente fraku, tanba nia mós halo diete maka'as ba ninia saúde, entaun nia sente fraku liu. Tanba nia iha moras, depois nia halo dieta, afinal nia dieta ne'e mós e impaktu ba nia, ho ninia sódium natrium ne'ebé tun maka’as. Entaun, bainhira nia hanoin barak mós tanba ne’e, natrium sódium ne'e tun afeta mós halo nia labele toba, entaun iha ne’eba, ha'u haree nia sente fraku liu bainhira ami filafali husi Atsabe ba funerál Pai nian”, hatuir Padre Evaristo da Costa Soares, nu'udár reprezentante família matebian, iha Sala Mortuáriu HNGV, Bidau, sábadu (03/07).

Bainhira fila husi Atsabe, médiku sira mós ba haree nia saúde no akompaña husi Espoza Primeiru Ministru (PM), Taur Matan Ruak, Isabel Ferreira, ne'ebé sujere no lori akompaña nia matebian ba halo "ceek up" jerál iha Klínika Kura-Ha'u.

Hafoin fila fusi Kura-Hao mai filafali, haree nia situasaun, forsa mais dimínui tan, entaun obriga atubele ba iha Ospitál Nasional Guido Valadáres.

Entaun, semana ida nia hahú husi loron 25 fulan-juñu depois iha emerjénsia no nia baixa iha VIP númeru 4, nune’e iha  loron 2 fulen-jullu, haree nia forsa mós menus, no tenke lori fali ba ICU.

“Ha’u pesoalmente kontente lori ba ICU atubele halo tratamentu intensivu iha ne'ebá. Entaun, mai iha ne'ebá, haree hanesan ninia situasaun loraik iha mudansa oituan nia bele forsa ko’alia, maibé depois ba ne'e, nia forsa ne'e komesa tun depois komesa uza ona oxijéniu, ikus mai labele ona tulun, e tau ona vintilador ba nia. Kala loron hira nia laran tau vintilador e aparellu, to'o horisehek haree ninia rezultadu hotu di'ak, maibé depois ida ne'e horseik, hodi kalan, komesa hatudu ona katak dehan saida. Depois ohin dadeersan nia labele ona (hakotu iis)”, haktuir nia.

Antes ne’e iha tinan 2012 matebian mós sofre moras ne’ebé hanesan hodi halo operasaun, maibé médiku sira netraliza fali ninia natium sódium ne'e, to’o nia bele di'ak filafali.

"Mais ida ne'e, ha'u hanoin katak karik iha komplikasoens sira ne'e hotu ikus mai hanoin atu halo meneira buat hotu, maibé ikus mai husik iis ohin dadeer. Nia fuan la’e, estomágu sim. Estomágu tanba servisu, tanba hán ladun ho tempu, buat sira ne'e hotu mak ha'u hanoin afeta maka'as iha ninia estomagu depois nia tauk, tensaun, buat sira ne'e hotu mak nia halo dieta rigorozu ba ne'e e depois ninia natrium sódiu mós tun e nufim halo nia sofre sai fraku liu e depois mai momentu ne'e la konsege salva”, esplika.

Entretantu, Reitór UNTL, João Soares Martins dehan, durante hala'o kna'ar iha universidade, profesór Miguel Maia dos Santos, ema ida ne'ebé hala'o servisu lahatene sura kolen, tanba sempre prontu hala’o servisu.

"Matebian ema ida ne’ebé servisu lahatene kolen, e nunka komplein ka keixa katak nia servisu kolen ona. Ezemplu, ema serví na'in mak Profesor Miguel Maia, kada tarefa servisu ne'ebé fó ba nia, nia nunka rezeita, mezmu iha situasaun ne'ebé mak nia kondisaun saúde la saida, mais nia nunka dehan la’e, sempre hatan hela de'it ba ema ninia husu ba nia. Ne'ebé universidade lakon ema di'ak tebes, ezemplu ba serví nasaun mak profesór Miguel Maia", hatete Reitór UNTL.

Matebian servisu iha UNTL hahú tempu Universitas Nasional Timur-Timur (UNTIM) to'o asume kargu importante husi Dekanu Fakuldade Edukasaun, Vise Reitór Akadémiku nian to'o kargu universidade barak no ikus liu mak estrutura Eis Reitór Francisco Miguel Martins nian, matebian asume kna'ar hanesan Pro Reitór ba asuntus akadémikus, to'o hakotu i’is.

Maske seidauk iha desizaun serteza husi família matebian nian kona-ba atu hakoi iha semiteiru ne'ebé, maibé ba UNTL sempre prontu atu partisipa iha prosesu saida de'it.

Entretantu, matebian Miguel Maia dos Santos (61), moris iha loron 06 fulan-Juñu, tinan 1960, iha Suku Lauana, Postu Administrativu Letefoho, Munisípiu Ermera, iha fen-kaben ho oan mane na'in ida. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter