Login to your account

Username *
Password *
Remember Me

MS-OMS Prepara Pesoál Sensibiliza Prevensaun Covid-19 Ba Komunidade

Ministériu Saúde (MS) hamutuk ho Organizasaun Mundiál Saúde (OMS) fo formasaun ba membru inspesaun sanitária iha Palásiu Sinzas, kinta (01/07). Ministériu Saúde (MS) hamutuk ho Organizasaun Mundiál Saúde (OMS) fo formasaun ba membru inspesaun sanitária iha Palásiu Sinzas, kinta (01/07). Foto Suplay

Tempotimor (Dili)-Ministériu Saúde (MS) hamutuk ho Organizasaun Mundiál Saúde (OMS) iha Timor-Leste fó apoiu hodi hala'o formasaun ba pesoál inspesaun sanitária atu sensibiliza informasaun Covid-19 ba komunidade.

Reprezentante Organizasaun Mundiál Saúde (OMS) iha Timor-Leste, Arvind Mathur hatete, husi treinamentu loron ida ne'e, inspesaun sanitariu sira bele aplika sira-nia koñesimentu ne'ebé mak sira aprende, hodi fahe informasaun kredivel ho xefe aldeia no xefe suku sira atu konvense komunidade sira hodi kontinua pratika medida prevensaun covid-19.

“Ita hatene katak informasaun falsu sira espalla lalais liu fali informasaun ne'ebé mak los, nu'udar inspesaun sanitáriu imi mak tenke hato'o informasaun los ba komunidade sira kona-ba prevensaun Covid-19”, dehan nia iha palásiu Sinzas, Kaikoli, kinta (01/07).

Iha fatin hanesan, Diretora Jeral Saúde, Odete da Silva Viegas hatete, pesoál inspesaun sanitária responsabilidade ida boot, tanba sira sei asume iha komunidade sira-nia leet, maibé atu ba komunidade nia leet tenke sai hanesan autór mak autoridade lokál sira, administradór, xefe suku, xefe aldeia no konsellu suku tanba sira mak ema ne'ebé servisu besik liu iha autoridade nia leet.

“Moras pandemia Covid-19 ne'ebé mak mosu, ne'e la'ós Ministériu Saúde nia responsabilidade de'it, maibé ne'e presiza responsabilidade husi partes hothotu, tan ne'e mak ohin ita hotu marka prezensa iha ne'e atu konkretiza ita-nia servisu ne'ebé mak di'ak liután ba ita-nia komunidade”, hatutan nia.

Ministériu Saúde prepara seguransa Polísia Nasionál Timor-Leste (PNTL) la'ós atu hatauk, maibé atu fó mós protesaun, karik iha buat ruma akontese sira (seguransa) mak sai hanesan lutu hodi satan ema ne'ebé mak hala'o servisu iha baze.

“Partisipantes sira ne'e sei ba iha Suku no Aldeia ka fatin ne'ebé mak ema halibur malu barak liu hodi hare sira kumpri ka la’e, medida preventiva sira hanesan, uza máskara no fase liman, ida ne'e mak sira nia kna’ar atu haree no halo mudansa ba implementasaun iha komunidade sira”, afirma nia.

Iha ne’e, Reprezentante Eskuadra Polísia Nasionál Timor-Leste (PNTL) munisípiu Dili, Delfin da Silva hatete, formasaun ne'e importante tebes ba partisipante sira, atu sai hanesan inspetór, ne'e la'ós servisu ida ne'ebé mak fasil, maibé servisu ida ne'e atu ba eduka ema konsola ema hodi kumpri regra Covid-19 nian.

“Ita-boot sira atu ba halo prevensaun nomós kontrola servisu ida ne'e la fasil tebes, tanba ita hodi buat di'ak ba mós ita mak la di’ak, ita hodi buat la di’ak ba ne'e ita la di’ak liután, tanba buat ida servi povu ne'e difísil, tan ne'e ita hotu hamutuk hodi eduka ita-nia povu atu kumpri regra sira ne'ebé mak iha ona”, dehan Delfin.

Tuir observasaun, komunidade maioria mak uza máskara, maibé distansiamentu sosiál mak sai problema boot, tanba família 1 ema na'in-10 ba leten ne'e atu organiza distánsia sosiál difísil tebes.

Iha sorin seluk, reprezentante Prezidente Autoridade Munisípiu Dili, António Moniz Calau hatete, hanesan reprezentante autoridade ne'ebé tutela iha Ministériu Estatal agradese tebes ba formasaun pesoál inspesaun sanitária tanba foin primeiru hahú iha Timor-Leste.

“Ami konsidera katak atividade ida ne'e importante tebes, oinsá atu reforsa ita-nia ekipa trovair no iha fulan liuba ministériu estatal establese tan ekipa liña frente suku, aldeia e ho prenzensa ekipa inspesaun sanitária ita espera kata sira-nia forsa balun oinsá atu fó sensibilizasaun ba ita-nia komunidade sira kona-ba prevensaun surtu Covid-19 iha munisípiu Dili”, dehan nia.

Membru inspesaun sanitária ne'ebé tuir formasaun iha Palásiu Sinzas hamutuk 60 atu sensibiliza informasaun kona-ba Covid-19 iha Munisípiu Dili, ho Postu administrativu haat hanesan, Vera Cruz, Nain Feto, Dom Aleixo no Cristo Rei. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter