“Totál óbitu ne’ebé relata iha 29 fulan-juñu tinan 2021 foun 1 (ida), Bebé mane, idade fulan 7, timoroan hela iha suku Bahamori, Postu Administrativu Venilale, Baukau detetadu pozitivu”, dehan Rui liuhusi komunikadu imprensa, tersa (29/06).
Matebian asintomátiku iha loron 21 fulan-juñu tinan 2021, nune'e iha loron 23 fulan-Juñu bebé hahú isin manas ho mear, maibé ninia rezultadu PCR negativu tanba bebé ne’e tama kritériu kontaktu-besik husi inan-aman ne’ebé pozitivu, iha loron 25 fulan-juñu repete teste PCR ho rezultadu hatudu pozitivu.
“Teste daruak ne’e hatudu rezultadu pozitivu ho cycle threshold (CT) N2gene 26,7, Egene 25,3 no médiku sira iha ospitál Referénsia Eduardo Ximenes Baukau deside enkamiña mai Vera Cruz, ho dignoze traballu bronchopneumonia”, hatutan nia.
Hahú iha loron 26 fulan-Juñu ninia kondisaun deterioriza, ho iha loron 28 fulan-juñu iis-kotu iha Vera Cruz, ho sindroma insufisiénsia respiratória aguda (SIRA), ka susar/difisil atu dada-iis, tanba Covid-19.
Nune'e família kordena ona ho ekipa saúde atu hala’o funeral tuir protokolu Organnizasaun Mundiál Saúde (OMS) no Ministériu Saúde (MS) ne’ebé adopta iha Timor-Leste. (*)
