Governu Sei Transporta Mate-Isin Traballadór Iha Korea Mai TL

 Traballadór timoroan ida ne'ebe mate iha Korea Súl. Traballadór timoroan ida ne'ebe mate iha Korea Súl. Foto Suplay

Tempotimor (Dili)-Vise Ministru Negósiu Estranjeiru no Kooperasaun (MNEK), Julião da Silva informa, governu sei prosesa dokumentu hodi transporta mate-isin traballadór timoroan iha Korea Súl mai Timor-Leste (TL).

“Depois de nia hetan asidente ne'e ami hahú diskute ona, ohin (29/06) mós ekipa sira iha Korea, ita-nia adidu sira ho Sekretáriu Estadu Formasaun Profisionál no Empregu (SEFOPE) hamutuk ho ita-nia diresaun jerál Asaun bilaterál sira halo servisu maka’as, liliu asaun protukolu sira servisu maka’as para oinsá mak trata nia dokumentu iha ne'ebá para governu Korea autoriza para lori mate isin mai”, dehan Julião da Silva, iha MInistériu Finansas Aitarak Laran, tersa (29/06).

Tanba relesaun ho Aviaun iha liña interministeriáis sira sei diskute, atubele lori mate-isin mai TL

"Tanba ne'e mak husi liña interministeriáis sira tenke diskute oinsá mak bele lori mate isin ne'e mai Timor”, dehan nia.

Haree ba ezemplu mate-isin ne'ebé seidauk hetan iha fulan hirak liu ba Korea, iha nasaun Korea nia lei ne'e sira seidauk bele pronunsia ema mate ka la’e, tanba seidauk iha evidénsia.

“Prosesu atubele fó sai ne'e minimu 3 meses, maibé ida ne'e mate isin iha, ne'ebé ita espera katak lalais liu di'ak liu, no labele hán to’o fulan ne'e di'ak liu”, dehan nia.

Maibé konforme de'it governu Korea ninia, oinsá autoriza atubele foti mate-isin iha Korea  hodi transporte mai iha TL, tanba ne'e liña interministeriál sei diskute. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter