Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu pozitivu Covid-19 foun iha loron domingu (27/06) komesa sa’e ba 57 no kazu rekuperadu ne’ebé hahú tun ba 30.
“Kazu detetadu foun 56 (iha Dili 33, iha munisípiu seluk hamutuk 23), mane 35, feto 21 ho idade entre tinan 12-59 na'in-52 (92,8%), ho idade 60 na'in-4 no rekuperadu 30”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, domingu (27/06).
Husi totál kazu detetadu foun iha 98,2 % asintomátiku (la hatudu sintomas), totál kazu ativu 838 no totál kazu konfirmadu kumulativu iha 27 fulan-Juñu 2021 (sura husi 21 Marsu 2020) hamutuk 9035.
Hahú husi loron 26 to’o 27 fulan-Juñu, hamutuk hotu Laboratóriu Nasionál Saúde (LNS) halo 382 testes PCR iha Dili, ho detalla hanesan, vijilánsia sentinela 0, rastreiu ba kontaktu (contact tracing) 3, rastreiu aleatóriu (random screening) 34, viajen sai husi serka sanitária munisípiu Dili 330, viajen internasionál 4 no follow up iha kuarentena 11.
Rezultadu testes PCR ne’ebé halo iha loron 26 fulan-Juñu iha munisípiu sira seluk REAOA HNGV, hamutuk 192, ho detalla hanesan, Baukau 67, Ermera 0, Maliana 5, Maubisse 2, RAEOA 0, Suai 55, Vikeké 9 no HNGV 54. (*)
