Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo fó sai iha loron 25 fulan-Juñu 2021, kazu detetatu foun 23 (iha Dili 13, iha munisípiu seluk hamutuk 10).
Husi totál kazu detetadu foun mane 13, feto 10 ho idade tinan 12 na'in-1, ho idade entre tinan 12-59 na'in-20 (86,9%), ho idade 60 na'in-2 no 13 % sintomátiku.
“Totál kazu ativu 868, kazu rekuperadu 55 no kazu konfirmadu kumulativu iha 25 fulan Juñu 2021 (sura husi 21 Marsu 2020) 8912", dehan nia liuhusi komunikadu imprensa, sesta (25/06).
Hahú loron 24 to’o 25 fulan-Juñu, hamutuk hotu Laboratóriu Nasionál Saúde (LNS) halo 684 testes PCR iha Dili, ho detalla hanesan, Vijilánsia sentinela 0, Rastreiu ba kontaktu (Contact tracing) 109, Rastreiu Aleatóriu (Random Screening) 64, Viajen sai husi serka sanitária Munisípiu Dili 478, Viajen internasionál 20 no follow up iha kuarentena 13.
Rezultadu testes PCR ne’ebé halo horiseik loron 24 fulan-Juñu iha munisípiu sira seluk REAOA ho HNGV, hamutuk 217, ho detalla hanesan, Baukau 40, Ermera 0, Maliana 14, Maubisse 37, RAEOA 15, Suai 50 Vikeké 19 no HNGV 42. (*)