Print this page

Kazu Rekuperadu 102, Pozitivu Covid-19 Foun 56

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu rekuperadu hamutuk 102 no kazu pozitivu Covid-19 foun 56.

“Kazu detetatu Covid-19 foun 56 (iha Dili 49, iha munisípiu seluk 7) mane 29, feto  27 no kazu rekuperadu 102”, dehan Koordenadór Forsa-Tarefa ba Prevensan no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, segunda (14/06).

Husi totál kazu detetadu foun ho idade entre tinan 12-59 na'in-52 (92,8%), ho idade 60 na'in-3, proporsaun kazu sintomátiku hamutuk 17,8%, totál kazu ativu 1489 no totál kazu      konfirmadu kumulativu iha 14 fulan-juñu 2021 (sura husi 21 Marsu 2020) 834.

Husi loron 13 to’o 14 fulan-juñu, hamutuk hotu Laboratóriu Nasionál Saúde (LNS) halo 453 testes PCR iha Dili, ho detalla hanesan, vijilánsia sentinela 49, rastreiu ba kontaktu (contact tracing) 17, rastreiu aleatóriu (random Screening) 80, Viajen sai husi serka sanitáriu munisípiu Dili 291, viajen internasionál 4 no follow up iha kuarentena 12.      

Rejultadu teste PCR ne’ebé halo iha loron 13 fulan-juñu iha munisípiu sira seluk REAOA ho HNGV, hamutuk 401 ho detalle hanesan, Baukau 151, Maliana 13, Maubisse 108, RAEOA 4, Suai 10, Vikeké 8 no HNGV 107. (*)

Rate this item
(0 votes)
Last modified on Monday, 14 June 2021 20:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items