Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, isin-rua iha izolamentu Vera Cruz pozitivu Covid-19 partu no ekipa saúde halo teste PCR bebé ho rezultadu pozitivu.

Husi izolamentu Vera Cruz, iha loron 6 fulan-juñu tinan 2021, halo tratamentu ba kazu detetadu na'in-27, iha área obstetrisia na'in-6, iha medisina interna na'in-20, neonatologia 1.

Sira na'in-11 iha obstetrisia, kategória leve (mild) hotu, husi sira na'in-20 iha medisina interna, na'in-3 grave (1 uza BiPAP1, 2 uza oksijéniu ho NRM-Non-rebreather mask), na'in-11 moderadu, na'in-6 leve (mild).

"Ida iha neonatologia, kategória leve, foin moris husi inan pozitivu no teste PCR pozitivu”, dehan nia liuhusi komunikadu imprensa, domingu (06/06).

To'o ohin loron, bebé ne'ebé moris ho kondisaun pozitivu Covid-19 iha izolamentu Vera Cruz hamutuk na'in-2 husi bebé na'in-17 ne'ebé moris husi inan pozitivu. (*)