"Ohin loron 4 fulan-juñu tinan 2021 rezistu kazu rekuperadu 167 no kazu detetatu foun 89 (iha Dili 67, iha M'munisípiu seluk 22)", dehan Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, sesta (04/06)
Husi totál kazu detetadu foun iha mane 43, feto 46 ho idade tinan 12 na'in-3, ho idade entre tinan 12-59 na'in-80 (89,8%), ho idade 60 na'in-6, proporsaun kazu sintomátiku hamutuk 5,6%, kazu ativu 2501 no totál kazu konfirmadu kumulativu iha 4 fulan-juñu 2021 (sura husi 21 Marsu 2020) 7511.
Husi loron 3 to’o 4 fulan-juñu, hamutuk hotu Laboratóriu Nasionál Saúde (LNS) halo 983 testes PCR iha Dili, ho detalla hanesan, vijilánsia sentinela 15, rastreiu ba kontaktu (contact tracing) 46, rastreiu aleatóriu (random screening) 91, viajen sai husi serka sanitária munisípiu Dili 771, viajen internasionál 32 no follow up iha kuarentena 28.
Rezultadu testes PCR ne’ebé halo iha loron 3 fulan-juñu iha Munisípiu sira seluk REAOA ho HNGV, hamutuk 441, ho detalla hanesan, Baukau 129, Ermera 28, Maliana 43, Maubisse 72, RAEOA 0, Suai 59, Vikeké 38 no HNGV 72. (*)
