Login to your account

Username *
Password *
Remember Me

Sidadaun Rihun-87 Simu Ona Vasina Dose Dahuluk

Tempotimor (Dili)-Portavoz Komisaun Interministerial ba Distribuisaun Vasina husi Sentru Informasaun Vasinasaun Kontra Covid-19, Danina Coelho hatete, sidadaun hamutuk rihun-87-resin simu ona dose dahuluk husi vasina kontra Covid-19 iha Timor-Leste.

"Totál populasaun sira ne'ebé simu ona vasina husi dose dahuluk vasina kontra Covid-19 hamutuk 87.000 resin, ho idade 18-19 pursentu 97, idade 60 pursentu 19 no idade 18 pursentu 35%", dehan nia liuhusi Konferensia Imprensa iha Ministériu Solidaridade Sosial no Inkluzaun Kaikoli, sesta (04/06).

Tanba Ministériu Saúde distribui ona vasina Covid-19 dose 87,230 iha Timor-Leste, hafoin fulan rua husi lansamentu kampaña vasinasaun nasionál iha loron 7 fulan-abríl 2021.

Haree ba númeru vasina boot liu ne’ebé distribui ona mak iha Munisípiu Dili, no prioriiza grupu hirak hanesan traballadór saúde no liña frente, ema sira ho moras króniku no idade 60 ba leten.

"Ami kontinua atu enkoraja ema ho idade 60 ba leten atu mai simu sira-nia vasina tanba governu hakarak atu asegura vasina adekuada ba populasaun hirak ne'ebé elijivel iha pais ida ne'e”, afirma nia.

Nune'e iha Dili, governu iha planu atu hahú distribui vasina Covid-19 ba ema hothotu ho idade 18 ba leten iha semana oin.

Husi servisu Inter-ministerial ba distribuisaun vasina kontra covid-19, iha ema na’in-28 mak hetan reasaun adversa hafoin halo imunizasaun no kazu hirak ne’e relata ona ba Ministériu Saúde ne'ebé hala'o kedan investagaun no akompañamentu.

Dadaun ne'e, Timor-Leste rejistu ona kazu Covid-19 konfirmadu hamutuk 7,422 no mate hamutuk 16 nune'e munisípiu Dili rejistu ona nu'udar númeru kazu Covid-19 as liu.

Enkuantu, Governu Timor-Leste lansa kampaña vasinasaun nasional Covid-19 iha loron 7 fulan-abril 2021, atu fornese vasina ba ema hirak elijivel hothotu ho idade 18 ba leten molok to'o tinan 2021 nia rohan.

Aliende ne’e, Timor-Leste simu ona COVAX dose 24.000, iha loron 5 fulan-abril 2021, no dose 70.0000 hosi governu Austrália iha loron 5, 19 no 28 fulan-maiu no loron 2 iha fulan-juñu tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter