Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu detetatu foun ne’ebé relata iha loron 1 fulan-juñu tinan 2021 hamutuk 167 (iha Dili 161, iha Munisípiu seluk 6), mane 109, feto 58 ho idade tinan 12 na'in-2, ho idade entre tinan 12-59 na'in-163 (97,6%), ho idade 60 na'in-2.
“Proporsaun kazu sintomátiku hamutuk 6,5%, kazu rekuperadu 163, total kazu ativu 2630 no total kazu konfirmadu kumulativu hamutuk 716”, dehan nia liuhusi komunikandu Imprensa, tersa (01/06).
Husi loron 30 fulan-maiu to’o loron 1 fula-juñu, hamutuk hotu Laboratóriu Nasionál Saúde (LNS) halo 1413 testes PCR iha Dili ho detalla hanesan, vijilánsia sentinela 7, rastreiu ba kontaktu (Contact tracing) 193, Rastreiu aleatóriu (random screening) 325, viajen sai husi serka sanitária Munisípiu Dili 810, viajen internasionál 43 no follow up iha kuarentena 35
Rezultadu testes PCR ne’ebé halo iha loron 31 fulan-maiu iha Munisípiu sira seluk, REAOA ho HNGV, hamutuk 494, ho detalla hanesan, Baukau 63, Ermera 166, Maliana 50, Maubisse 94, RAEOA 9, Suai 38, Vikeké 40 no HNGV 44. (*)
