Print this page

Kazu Rekuperadu Covid-19 Iha Oras 24 Hamutuk 186

Ilustrasaun Covid-19 Ilustrasaun Covid-19 Foto Facebook

Tempotimor (Dili)-Sentru Integradu Jestaun ba Krize (SIJK) rejistu kazu rekuperadu Covid-19 iha loron domingu (30/05) durante oras 24 hamutuk na’in-186.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu detetatu foun ne’ebé relata iha loron 30 fulan-maiu tinan 2021 145 (iha Dili 98, iha munisípiu seluk 47).

Husi totál kazu detetadu foun iha mane 96, feto 49 ho idade tinan 12 na'in-4 hoidade entre tinan 12-59 na'in-138 (95,1%), ho idade 60 na'in-3 no proporsaun kazu sintomátiku hamutuk 11,7%.      

"Kazu rekuperadu 186 totál kazu ativu 2648 no totál kazu konfirmadu kumulativu iha 30 loron Maiu 2021 (sura husi 21 Marsu 2020) 6897”, dehan Rui liuhusi komunikadu imprensa, domingu (30/5).

Husi loron 29 to’o 30 fulan-maiu, hamutuk hotu Laboratóriu Nasionál Saúde halo (LNS)  601 testes PCR iha Dili, ho detalla hanesan, vijilánsia sentinela 2, rastreiu ba kontaktu (contact tracing) 70, rastreiu aleatóriu (random screening) 130, viajen sai husi serka sanitária munisípiu Dili 375, viajen internasionál 13, follow up iha kuarentena 0.           

Rezultadu testes PCR  ne’ebé  halo iha loron 29 fulan-maiu iha Munisípiu sira seluk REAOA ho HNGV, hamutuk 632 hanesan, Baukau 91, Ermera 44, Maliana 56, Maubisse 135, Suai 135, Vikeké 99 no HNGV 72. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items