Tanba ne’e, kazu konfirmadu kumulativu Covid-19 iha Timor-Leste, hahú husi loron 23 fulan-maiu 2021 sura husi 21 fulan-marsu tinan 2020 hamutuk 5637.
Nune'e, kazu detetatu foun ne’ebé relata iha loron 23 fulan-maiu tinan 2021 na'in-156, iha Dili 130, iha munisípiu seluk 26, mane 86, feto 70 ho idade tinan 12 na'in-3, ho idade entre tinan 12-59 na'in-150 (96,1%), ho idade 60 na'in-3.
"Proporsaun kazu sintomátiku hamutuk 10,8%, kazu rekuperadu 122, kazu ativu 2542 no totál kazu konfirmadu kumulativu iha 23 fulan-maiu 2021 (sura husi 21 Marsu 2020) 5637", dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikandu imprensa, domingu (23/05).
Iha loron 22 to’o 23 fulan-maiu, hamutuk hotubLaboratóriu Nasionál Saúde halo (LNS) 685 testes PCR iha Dili, ho detalla hanesan, Vijilánsia sentinela 3, Rastreiu ba kontaktu (Contact tracing) 116, Rastreiu Aleatoriu (Random Screening) 158, Viajen sai husi serka sanitária unisípiu Dili 377, Viajen internasionál 6, Follow up iha kuarentena 25.
Totál testes PCR ne’ebé halo Iha loron 22 fulan-maiu iha munisípiu sira seluk, REAOA ho HNGV, hamutuk 418, ho detalla hanesan, Baukau 50, Ermera 47, Maliana 66, Maubisse 58, RAEOS Suai 81, Vikeké 48 no HNGV 68. (*)
