“Nia (matebian) sei iha nafatin Vera Cruz, tau hela iha konzeladór mate nian ne'e, maibé hein para atu sunu", informa Vise SIJK, Odete da Silva Viegas iha Ministériu Finansa (MF) Ai-tarak Laran, kuarta (19/05).
Matebian nia família sira husu ba governu liliu Ministériu Saúde (MS) atu halo prosesu kremasia ka sunu matebian.
“Agora ita hein ida ne'e, sé prontu ona, prontu ita bele hasai matebian ne'e para bele ba sunu", dehan nia.
Bainhira husu kona-ba identidade husi sidadaun Xinéza ne’e, maibé labele fó sai tanba kestaun privásidade, no desizaun husi MS atu sunu matebian hein parte família.
"Saúde nian laiha problema, sira hakarak sunu, depois mak oras ida haree prosesu óbitu ne'e oinsá", nia hakotu.
Entretantu, sidadaun Xineza ne'e, hakotu iis iha loron domingu (16/05), maizumenus tuku 10:00otl, iha sala Izolamentu Vera Cruz, Suku Kaikoli. (*)