“To'o ohin (17/05) loraik ne'e, sira ne'ebé ke pozitivu infetadu ba covid-19 ne'e, hamutuk 212, e sira ne'e, agora dadauk tolu baixa hela iha sentru izolamentu Vera Cruz", informa Ministru Justisa (JM), Manuel Cárceres da Costa hafoin hasoru malu ho Primeiru Ministru (PM) iha rezidénsia Faról, segunda (17/05).

Rezultadu ida hatudu, hafoin "teste swab" obrigatóriu ne'ebé hala'o husi ekipa médiku sira iha Ministériu Saúde (MS), liuhusi Sentru Integradu Jestaun Krize (SJIK) ba prizioneiru ho grada sira iha prizaun Bekora.

Prizioneiru sira ne'e, izola deit aan iha prizaun laran, liuhusi Sela ne'ebé sira identifika sai hanesan sentru izolamentu.

Aleinde ne'e, ekipa sira instala mós postu vizilánsia saúde nian ida mak permanente hodi halo atendimentu ba prizioneiru sira.

Entretantu, totál prizioneiru ne'ebé oras ne'e iha prizaun Bekora, hamutuk 451, kompostu husi mane 147 ho feto nain 4.(*)