TL Rejistu Ona Kazu Covid-19 Pozitivu 4.458

TL Rejistu Ona Kazu Covid-19 Pozitivu 4.458 Foto Espesial

Tempotimor (Dili)-Kazu Pozitivu Covid-19 Kada loron kontinua nafatin sa'e, Timor-Leste (TL) liuhusi Sentru Integradu Jestaun ba Krize (SIJK) rejistu ona kazu hamutuk 4458

"Dadus jerál ba Timor-Leste tomak, kazu detetadu Covid-19 hamutuk 4458", informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikandu imprensa, domingu (16/05).

Kazu detetatu foun ne’ebé relata iha loron 16 fulan-maiu tinan 2021 hamutuk 179, iha Dili 156, iha munisípiu seluk 23

Husi total kazu detetadu foun ohin mane 98, feto 81, ho idade tinan 12 na'in-4, ho idade entre tinan 12-59 na'in-170 (94,9%) ho idade 60 na'in-6.

"Proporsaun kazu sintomátiku hamutuk 12,2%, kazu rekuperadu ne’ebé ralata ohin, loron 16 fulan-maiu 2021 65 no kazu ativu 2116", informa Rui.

Durante loron rua (16 to’o 17 fulan-maiu), hamutuk hotu Laboratóriu Nasionál Saúde halo 781 testes PCR iha Dili, ho detalles, Vijilánsia sentinela 7, Rastreiu ba kontaktu (Contact tracing) 151, Rastreiu Aleatoriu (Random Screening) 179, Viajen sai husi serka sanitária Munisípiu Dili 420, Viajen internasionál 19, Follow up iha kuarentena 5.

Rezultadu teste PCR ne’ebé halo horiseik loron 15 fulan-maiu iha munisípiu sira seluk, REAOA ho HNGV, hamutuk 365, ho detalla hanesan, Baukau 70, Ermera 11, Maliana 27, Maubisse 49, RAEOA 1, Suai 53, Vikeke 62 no HNGV 92.

Dadus jerál Covid-19 iha Timor-Leste hanesan, kazu rekuperadu 2332, kazu konfirmadu 4458 kumulativu óbitu ka mate 10, iha Dili 9 no Likisá 1. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter