Mate Ho Covid-19: FR Halot iha Lautein, Xineza Sei iha Prosesu

Ambulánsia ne'ebe tula ona mate isin FR para hela iha portaun Izolamentu Vera Cruz, domingu (16/5). Ambulánsia ne'ebe tula ona mate isin FR para hela iha portaun Izolamentu Vera Cruz, domingu (16/5). Foto Tempo Timor.

Tempotimor (Dili)-Família Matebian FR ne’ebé mak mate ho covid-19 iha izolamentu Vera-Cruz, deside ona sei lori mate isin ba halot tuir kultura iha nia knua, Suku Maina II, Postu Administrativu Lautein, Munisípiu Lautein.

Maibé, sidadaun Xineza ne’ebé mate ho Covid-19 iha sala izolamentu Vera Cruz dadaun ne’e sei iha hela prosesu no seidauk iha desizaun kona-ba fatin halot mate isin.

Koordenadór Pilar I husi Sala Situasaun Intergradu Jestaun ba Krize (SIJK), Narciso Fernandes hatete, dadauk parte família husi Matebian FR konkorda ona atu lori mate isin ba uluk iha nia rejidénsia Kintal Boot, depois 30 minutu, sei lori liu ba knua fatin iha Lautein.

"Hanesan Konkordánsia ne’ebé mak hanesan SIJK, halo ho família katak depois sai husi Vera Cruz sei liuhusi familia nia uma, maizu menus minutu 30, depois sei ba liu iha Lospalos (Lautein)”, afirma nia iha Vera Cruz, domingu (16/05).

Maibé, atu hakoi mate isin iha Lautein, parte saúde no autoridade seguransa sira sei akompaña nafatin família sira, atu tuir protukolu Organizasaun Munidial Saude (OMS) nian ne'ebe atu halo prevensaun ba transmisaun covid-19.

Ho ida ne'e parte sira sei esforsu asegura regra tuir protokolu OMS, tanba pasiénte ne’ebé hakotu iis ho covid-19.

"To'o iha Lospalos mós, nafatin tuir protokolu regra ne'ebe iha, se máximu ita fó 30 minutu, tau iha uma depois lori liu kedan ba hakoi”, dehan nia.

Enkuantu, mate isin sidadaun Xineza na’in-ida ne’ebé hakotu iis iha sala izolamentu Vera Cruz, dadauk sei iha hela prosesu kordenasaun.

Maibé, Koordenadór pilar I, sei la fó komentáriu ba ida ne'e tanba ne'e kompeténsia pilar 7 nian.

“Iha ne'e ha’u hanoin, ida ne'e kompetete husi pilar 7 mak bele ko’alia kona-ba mate isin sira iha ne'e. Tanba ami só responsabilidade ba pilar 1 ko’alia kona-ba oinsá atu halo konkordánsia ho família, para depois kumpre regra protokolu”, esplika nia.

Kona-ba mate isin FR, jornalista sira tenta atu komfirma ho família matebian maibé sira rejeita la fó komentáriu. (*)

Rate this item
(1 Vote)
Last modified on Sunday, 16 May 2021 14:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter