"Lansamentu ba Sistema Informasaun Rekursu Umanu Saúde (SIRUS) nian atu haree ba iha rekursu humanu Ministériu Saúde nian", dehan MS Odete Maria Iha Novu Turismu, Lisidere, sesta (14/05).
Ho kriasaun sistema ida ne'e, atu halo jestaun ba sira-nia rekursu umanu iha Ministériu Saúde nian.
"Prontu ohin (14/05) ami iha oprtunidade atu bele halo lansamentu ba sistema ida ne'e", haktuir nia.
Lansamentu ne'e iha buat balun ne’ebé prontu ona atubele implementa, la sikinfika katak sistema ne'e hanesan ne'e de'it, maibé presiza haree no elabora buat balun ne'ebé seidauk iha.
Iha fatin hanesan Diretór Jerál Servisu Korporativu Ministériu Saúde, Marcelo Amaral informa, lansamentu SIRUS hanesan komponente ida fó informasaun di'ak ida ba jestór sira atubele jere jestaun rekursu umanu ne'e ho didi'ak.
"Se ema hakarak atu update (atualiza) ninia nivel ka ninia dokumentu ruma, presiza informasaun relasiona ho servisu durante ne'e, ita ba iha sistema bele hatudu mai ita", dehan nia.
Tanba liuhusi SIRUS bele halo kontrola ba funsionáriu sira-nia servisu.
Maibé funsionáriu saúde sira sei hetan pasword atubele asesu ba sira-nia informasaun, hanesan salariu ne'e la hanesan saida mak sira iha, sira bele informa mai iha rekursu umanu bele atualiza.
"Nune'e mós sira-nia sertifikadu ne'ebé iha, sira seidauk rejistu iha sistema, ita bele rejistu iha ne'ebá atu kompleta sira-nia istoria kareira hanesan dokumentu ida", esplika nia.
Sistema dijital ida ne'e apoiu mai husi Oraganizasaun Saúde Mundial (OMS) no servisu hamutuk ho Ministériu Saúde.(*)